tg-me.com/mustafa9715/1773
Last Update:
غريبة يا هلي
منوه ايظل ألي
اذا كلكم مشيتو للسفر
*********************ا
حمل ضعن الحب والهيبة
فوگ النوگ ابساع ابساع
مديت اذراعي ايصعدوني
بس محد مدالي اذراع
ياهو الأتعناله امن اهلي
يترس كلبي وعيني اوداع
اتمنيت ايظلون اگبالي
وتتعناهم ذيچ الگاع
بقيت أترجه واتوسل
واباوع للضعن يرحل .. وراهم حشمت
هذاك الهودج الخالي
اروحن بي تهيالي .. ولاكن مارحت
طلع من الوطن
احن واشرف ضعن
مشه وخلاني نار ابشمعة السهر
****************************ا
أحزم كل الليل ابروحي
ومحسبة امشي اويه اليمشون
وخلص ليلي وما غمضتلي
من گد ما فرحانة اعيون
ماهميت العلة جسمي
يم احبابي كلشي ايهون
حته امشي وياهم للغربة
خلصت البلكت و الكون
هلي من كلشي احرموني
ولا عنكم تبعدوني .. يغطيني العدم
گضن دمعي وتواسيلي
اخذ عمري واخذ حيلي .. ضعنكم من رزم
نظر عيني غشة
وره العني مشة
بعد مابي نفع شوف النظر
************************ا
ما متعودة ولا اتعود
فرگاهم عني ولا يوم
كل ما اتعلم ما ابچي
شوگي الهم يلغي التعلوم
لاعيني النشفت من دمعي
ولا جفني اليرغب للنوم
كل اجروح الدنيه ايطيبن
بس جرح الحب راح ايدوم
اليفارگ ونته معروفه
وتصير اجروحه مكشوفه .. ودمع عينه السبب
عله غربة بني هاشم
دمعتي تستمر لازم .. عله اعيوني انكتب
رحل ضعن الهوه
لاراضي نينوى
بلا رده مثل ماي النهر
**********************ا
سافر وين الما يتعوض
بعيوني ولا بيه انساه
اضعن مثل الريح العاصف
امن ايهب ياخذ كلشي وياه
شما ابجي اعليهه امن ادموعي
ما تهفت جمرة فركاه
يا گاع احسين ابيا وادي
حط وياهوه اتلكاه
رسايل للمشو عني
اودي ابدمعتي وحزني .. ابمشاعر ذابلة
بعد ما طالت المدة
سلامي من وطن جدة .. الى طف كربلة
وسلامي العمتي
وخواتي واخوتي
وسلامي العمي عباس الگمر
****************************ا
اتنخة ابقربك عند الله
يا خامسهم بالترتيب
يالبسمك ايوب اتوسل
ربه وناجا حته ايطيب
طيبني امن اجروح افراكك
وخلص كلبي امن التعذيب
ارحم طفله اتعيش ابشوفك
ليش اتموتهه امن اتغيب
ذبل عودي وتنخيتك
دخيلك ارحم ابنيتك .. يكسرة خاطري
حبيبي وانت مفتوني
جمالك مالك اعيوني .. وغرامك أسري
وراك اشگد صحت
يهل عني رحت
دليلي وخاطري وظهري انكسر
*********************ا
الشاعر
مصطفى البديري
BY الشاعر مصطفى البديري
Warning: Undefined variable $i in /var/www/tg-me/post.php on line 280
Share with your friend now:
tg-me.com/mustafa9715/1773